التحضر والرقي من وجهة نظري هما الذوق والأدب ومراعاة الآخرين وعدم التدخل في ما لا يعنيك والحرص على المصلحة العامة
على سبيل المثال وليس الحصر
انك متعليش صوتك ومتقولش ألفاظ خارجة في الشارع
انك متعاكسش أي واحده حتى لو لبسها مش محترم
انك مترميش حاجه عالارض او تبصق عليها
انك تحترم المرور
انك متزعجش الناس بمكبرات الصوت
انك متتدخلش في امور حد ولا تتكلم عن حد بسوء وتسيب الناس في حالها
انك متتكبرش على حد اقل منك في المستوى المادي أو الاجتماعي أو العلمي أو الثقافي
انك تعامل المعاقين كويس ومتجرحهمش
انك متبقاش ندل وتساعد اي حد محتاج مساعدة طالما في مقدرتك
وحجات تانيه كتير